LABBAKÚTURINN!!

Hann er alveg miður sín! Man ekki neitt og veit ekki neitt í sinn haus! Búinn að vera edrú í hálft ár og allur af vilja gerður til að koma í veg fyrir að hann ráðist aftur á þessa konu eða jafnvel einhverja aðra.

Hann getur ekki einu sinni gert upp sín mál við konuna af því að hún neitar að tala við hann!! Skil ekkert í henni að senda honum ekki einu sinni krúttlegt sms!

Kveðja Andrea

Réðist á sambýliskonu sína

OG 1.VERÐLAUN FYRIR ÓSVÍFNI....

....fer til Bjartmarz familíunnar!

Það getur hver maður séð að þessi fréttaflutningur áttir fyllilega rétt á sér- tja, nema Framsóknarmenn en þeir sjá hvort sem er ekki neitt.

Ég trúi bara ekki öðru en að Kastljósmenn fari frá þessu borði með sigurglottið plastað yfir andlitin! Að dæma Bjartmarz fólkinu í vil væri bara einum og súrt til að nokkur maður gæti kyngt því

Kveðja Andrea

Krefjast miskabóta upp á 3,5 milljónir króna

ENN EINN SORGARDAGURINN

Enn og aftur upplýsist hversu steingeldir Íslendingar eru þegar tónlist er annars vegar.
Akkúrat núna eru tveir kettir að reyna að drepa hvorn annan hérna fyrir utan hjá mér og mínir eigin James Blunt tónleikar óma um hverfið.
Fullt af fólki á James Blunt??? Hvaða rugl er það?!

Og annað! Whitesnake tónleikarnir fengu 4 og hálfa stjörnu í DV og 1 í Mogganum. Ég hefði ekki gefið þeim neina. Ef Coverdale hefði sleppt því að reka upp fölsk öskur með reglulegu millibili hefði ég gefið þeim 3 stjörnur. Unga hljómsveitin var nokkuð þétt en Coverdale- algjör horror!

Kveðja Andrea

James Blunt á tónleikum

HVAÐ EIGUM VIÐ AÐ GERA?!

Við hrynjum niður alla lista yfir best/mest/fallegast/hamingjusömust!!

Nú verðum við að taka höndum saman stelpur og drífa okkur til lýtalæknis og láta laga okkur aðeins til!
Stærri brjóst, þykkari varir, meiri aflitun! Koma svo!

Kveðja Andrea

Fegurstu konurnar ekki á Íslandi

KALLI BJARNI CELEB

Er ekki eitthvað skrýtið við að þetta þyki frétt? Og er ekki eitthvað undarlegt við að einhver sem getur rétt svo skrönglast skammlaust í gegnum lag þyki svo mikið celeb á Islandi að hver einasta lína sem fer upp í ranann á honum rati í blöðin?

Svo er hann að skrifa barnabók á milli þess sem hann spilar golf og glamrar á gítar. Ja hérna

www.dv.is Í nýjasta tölublaði Séð og Heyrt er greint frá því að Idolstjarnan Kalli Bjarni sýni iðrun og yfirbót þar sem hann afplánar dóm vegna kókaínssmygls á Kvíabryggju. Þar spilar hann golf á níu holu velli sem hannaður hefur verið fyrir fangana, vinnur að barnabók sem koma á út fyrir jólin og semur tónlist sem tekin verður upp strax og refsivistinni lýkur. Séð og Heyrt birtir stórglæsielgar myndir af Kalla Bjarna á golfvellinum í fangelsinu á Kvíabryggju.

SEX, LIES AND SUPRERMARKETS

Jón Ásgeir er greinilega heitur þessa dagana. Bók um manninn sem er ekki komin út fæst keypt á amazon fyrir tæpar 22.þúsund krónur!

Alveg hefur farið framhjá mér hvað maðurinn er hip og kúl. Alltaf séð hann sem frekar hrokafullan montrass sem á meira klink en hann kemst yfir að eyða.
eyjan

Kveðja Andrea

ÞAÐ VÆRI LJÓTT AF MÉR AÐ SKRIFA ÞAÐ SEM ÉG ER AÐ HUGSA

En ætli orðasambandið "ekki er svo með öllu illt að ei boði gott" dragi það ekki ágætlega saman.

En skemmtilegur er kallinn, það verður ekki frá honum tekið.

Kv. Andrea

Nánast hálfur maður sem utanríkisráðherra

ÞETTA ER NÚ MEIRA RUGLIÐ

Hvernig væri að hætta þessari fjárans vitleysu og annað hvort breyta lögunum eða fara eftir þeim alla leið?

Þetta er svo fáránlegt svona eins og það er að það er engu lagi líkt! Á móti hverjum þúsund dulbúnu auglýsingum kemur ein kæra!
Til hvers?

Það ber ekki nokkur kjaftur nokkra virðingu fyrir þessari lagaleysu hvort sem er. Annað hvort þarf að taka á hverju einasta broti eða henda banninu út og semja einhversskonar reglugerð sem hægt er að fara eftir

Á meðan það er frjáls samkeppni í landinu verða allir að fá að sitja við sama borð hvað varðar markaðssetningu.

Kveðja Andrea

Ritstjórar sektaðir fyrir áfengisauglýsingar

BUSH.... SKO, HANN BUSH ER ALVEG... ÆI HVAÐ GETUR MAÐUR SAGT?

HLÆJA? GRÁTA? HVAÐ GETUR MAÐUR SAGT ÞEGAR VALDAMESTI MAÐUR Í HEIMI ER MEÐ GULRÆTUR Í STAÐ HEILA?

Ó NEI! SAKLAUS MAÐUR DÆMDUR Í FANGELSI!!

Ég skil þetta bara ekki!! Aumingja Anni fær hérna 4ra ára fangelsisdóm! Hann sem hefur haldið fram sakleysi sínu frá upphafi.

Hafi hann átt einhvern hlut að máli hefur þessi Tómas ábyggilega bara spillt honum- nú; eða blekkt hann til að taka þátt í einhverju sem átti að vera algjörlega löglegt.

Anni átti skilið smá skammir og etv sekt fyrir að hanga utan á Lögreglustöðinni á Hverfisgötu eins og hver annar áhættuleikari en 4ra ár fangelsi fyrir eitthvað sem sakleysinginn segist ekki hafa komið nálægt er aðeins yfir strikið

Kveðja Andrea

Fjórir í fangelsi vegna fíkniefnamáls