SVAÐILFÖR

Ég veit ekki alveg hvar hausinn á mér var í gærkvöldi- líklega hálfur ofan í hvítvínsflösku.

En ég lét plata mig í svaðilför um helgina og það virkar ekkert hjá mér að finna undankomuleið! Áður en ég vissi af var ég búin að samþykkja að fara á sjóstangaveiðimót út í Grímsey!
Já- fokking Grímsey! Út á hjara veraldar, næsti bær við Norður-Helvíti

Spáir rigningu og roki og ég á eftir að æla frá mér alla glóru. Sem getur nú ekki verið svo mikil þar sem mér fannst þetta góð hugmynd á einhverjum tímapunkti!
Nú þarf ég að æða um allan bæ til að redda mér svona úti á sjó fötum- hvað sem það nú er, kaupa upp birgðir landsins af sjóveikistöflum og Gini

Ég á ekki von á að koma aftur. Dey líklega

Kveðja Andrea

Athugasemdir

[Svanur Gísli Þorkelsson, 27.6.2008 kl. 11:42]

Ég hef aðeins einu sinni óskað þess að ég væri dauður. Það var um borð í Herjólfi fyrir mörgum árum þegar hann barði lóminn fyrir utan Eyðið í eina 14 tíma og komst ekki inn í höfnina fyrir óveðri. Það er ekkert verra en að finna velgjuna smá taka yfir meðvitundina sem svo verður að eilífri klígju. Ekkert vessælla en horfa á æluslikjan út um allan sjó á eftir bátnum með það efst í huga hvenær hún verður blóðrauð á litinn frekar en gallgul.

Nóg um það, eigðu yndislega helgi :)

[Andrea, 27.6.2008 kl. 11:43]

Kíki á plásturinn ;) Annars ætla ég að gleyma kommentinu þinu Svanur :)

[Svanur Gísli Þorkelsson, 27.6.2008 kl. 11:48]

Þú átt eftir að rifjað það upp :)

[Andrea, 27.6.2008 kl. 11:51]

LOL Skepna

[Andrea, 27.6.2008 kl. 13:54]

Ég er náttúrulega fögur og fín- en verð líklega grænleit í framan og það klæðir mig ekkert vel!

En sjóveikisplásturinn er kominn í vasann og bomsurnar í tösku! Adios

[Óskar Þorkelsson, 27.6.2008 kl. 15:20]

sjóveiki.. ég ældu lifur og lungum á hverjum degi í 8 mánuði.. gafst upp og fór í land ...

Þú átt alla mína samúð Venus 

[Ómar Ingi, 27.6.2008 kl. 16:33]

Ummm Hvítvín

[alva (IP-tala skráð) 27.6.2008 kl. 20:58]

hahaha, þú hefur bara gott af þessu!!

[Steingrímur Helgason, 28.6.2008 kl. 00:42]

Ég & mínir pözzuðum á þetta SJÓVAK mót þetta árið, en þetta er sérstaklega áhugaverður hittíngur & vel framkvæmt af innfæddum.

[Ásdís Sigurðardóttir, 28.6.2008 kl. 13:47]

Þetta var góð ákvörðun hjá þér og ég segi eins og aðrir að þetta verður þér ógleymanlegt.  Njóttu vel og komdu svo með ferðasöguna.

[Heiða Þórðar, 28.6.2008 kl. 21:06]

Ég trúi ekki að þú sért öll!

[Andrea, 29.6.2008 kl. 18:12]

Ég öll?? Ó nei! Ég er gott efni í sjómann! Vottaði ekki fyrir sjóveiki. Kannski af því að ég át sjóveikispillur eins og smarties :)
En er vindbarinn og sjóþurrkuð eins og skreið!