FRÁBÆR PISTILL KOLBRÚNAR Í MOGGANUM!

 

 Frábær grein eftir Kolbrúnu Bergþórs í Mogganum í dag! Þessi kona segir þetta bara eins og það er!
Kveðja Andrea

Á sumrin leggst pólitísk umræða á Íslandi í dvala og þegar Frjálslyndi flokkurinn á í hlut þá er rétt að þakka alveg sérstaklega fyrir pólitíska þögn. Lengi vel virtist Frjálslyndi flokkurinn ekki hafa mikið annað fram að færa á hinu pólitíska sviði en upphrópanir um kvótakerfið.
Svo fóru menn innan flokksins að horfa í kringum sig og tóku eftir því að allnokkuð væri um að útlendingar settust að hér á landi, og sumir þeirra meira að segja með annan hörundslit en Íslendingar og játuðu jafnvel aðra trú en hér tíðkast.
Þá fæddist nýtt baráttumál; andstaðan við búsetu útlendinga á Íslandi. Þeir sem hlusta á málflutning manna sem áberandi eru í Frjálslynda flokknum komast ekki hjá því að nema þessi skilaboð.
Magnús Þór Hafsteinsson, varaformaður Frjálslyndra, kemst iðulega í hamslaust uppnám þegar rætt er um væntanlega búsetu útlendinga hér á landi, nema þegar útlendingarnir eru frá virðulegum löndum eins og Norðurlöndum eða öðrum skárri Evrópuþjóðum. Magnús Þór er iðinn við að mæta í viðtalsþætti og ræða opinskátt um skoðanir sínar.
Daginn eftir er hann alltaf jafn einlæglega hissa þegar hann er kenndur við útlendingahatur. Hann ætti þó að hafa skilið hvað hann sagði.

Viðar Guðjohnsen er ungur maður sem hefur plantað sér niður við hlið Magnúsar Þórs og þreytist ekki á að senda frá sér yfirlýsingar um að Ísland sé fyrir Íslendinga. Þegar Viðar, sem er í forystu í ungliðahreyfingu flokksins, er gagnrýndur fyrir ummæli sín svarar hann iðulega eins og hann sé í hlutverki fórnarlambs og hafi mætt aðkasti og fordómum samlanda sinna.
Formaður Frjálslynda flokksins, Guðjón Arnar Kristjánsson, kemur síðan hvað eftir annað í fjölmiðla og segir máttleysislega að í Frjálslynda flokknum séu ekki útlendingahatarar. Slíkt tal sé áróður pólitískra andstæðinga. Í engum öðrum íslenskum stjórnmálaflokki kæmust varaformaður og formaður ungliðahreyfingar upp með það tal sem tíðkast í Frjálslynda flokknum varðandi búsetu útlendinga hér á landi.
Pólitík sem byggist á mannfyrirlitningu er skelfileg pólitík. Þetta vita stjórnmálamenn sem taka starf sitt alvarlega og þeir sitja ekki þegjandi þegar slíkt tal fer fram í nafni flokks þeirra. Formaður Frjálslynda flokksins ætti að nýta sumarfríið í að íhuga hvaða skilaboð hann vilji að flokkurinn sendi þjóðinni. Eins og áhrifamenn innan flokksins tala þá er Frjálslyndi flokkurinn málsvari þeirra sem andúð hafa á búsetu útlendinga hér á landi. Enginn stjórnmálaflokkur á Íslandi vill vinna náið með Frjálslynda flokknum vegna þess vonda stimpils sem flokkurinn hefur. Formaður flokksins hefur lítið gert til að reyna að afmá þann stimpil. Kannski veit hann að það er svo til vonlaust verk. Þeir sem hafa andúð á búsetu útlendinga hér á landi hafa fundið sinn flokk. |

 

ÓTRÚLEGA FLOTTUR "POPPER"!

Ég ELSKA þessa þætti!

Hér er einn brilliant!

BRJÁLAÐ AÐ GERA!

Það er heldur betur orðið erfitt að vera til þegar maður hefur ekki tíma til að taka utan af appelsínu! Styttist í að fólk hafi ekki tíma til að skeina sig!

Hvar endar þetta? Hvernig er hægt að vera of busy til að rífa utan af einni appelsínu?

Kveðja Andrea

Mega ekki vera að því að afhýða appelsínur

FYRSTA FORSÍÐA NÝJA RITSTJÓRANS! ÚBBBSSS!

Þetta er náttúrulega bara fyndið

ÆI GREYIÐ!!

Búinn að þvælast um heillengi og tóra við erfiðar aðstæður bara til að vera skotinn þegar nær hefði verið að gefa honum að éta!

Kannski eina sem var í stöðunni, hef bara ekki nógu mikið vit á því hvað hefði verið hægt annað að gera.
En mér finnst þetta leiðinlegur endir á skemmtilegri uppákomu.
Eiginlega bara sorglegt

Kveðja Andrea í ísbjarnarblús

Ísbjörninn felldur

ÖMURLEGASTA DJOBBIÐ Í HOLLYWOOD,

Hlýtur að vera-að-lyfta-kaffibolla-vinnan í þættinum hans Jay Leno!

LEITIN AÐ SUMAR-KÆRASTANUM GENGUR EKKI VEL

Ég tók út nokkra á börum bæjarins um helgina og óhætt að segja að sú leit hafi ekki borið mikinn árangur!

Sá reyndar einn sem mér leist skrambi vel á- en þegar ég sá hann up close áttaði ég mig á því að___________________ oh well, skiptir ekki máli :)

Annar var nokkuð álitlegur en missti áhugann þegar ég prufaði að dansa við hann. Maðurinn dansaði eins og spastískur geðsjúklingur!

Þriðji álitlegi var eiginlega bara gullfallegur!! En svo talaði hann______________________

Ég er gagnkynhneigð og ólofuð OG vill frekar halda því áfram en að enda með grútleiðinlegum pappakassa. Hvort sem við erum að tala um sumarkærasta eða heilsárskærasta!
En ég er kvenkyns og maður gæti ímyndað sér eftir að lesa þessa grein að það væri verið að gefa í skyn að konur vildu bara gifta sig- sama hverjum!

Kveðja Andrea

Karlar kjósa fremur einlífi en slæmt hjónaband

ÞAÐ ER ALDEILIS!

Japanir eru bara banhungraðir í hvalkjöt! Kristján Loftsson er ótrúlega naskur á hungur japanskra neytanda
Ekki dettur mér í hug að væna manninn um að segja bara það sem hentar honum betur.

Væri samt fínt að fá rök fyrir þessari fullyrðingu

Kveðja Andrea

Segir Japana hungra í hvalkjöt

SPENNÓ TÍMAR FRAMUNDAN

Ég hef ekki verið spennt yfir Morgunblaðinu í ---------------------- svo langt aftur sem ég man.
Þeir auglýstur nýtt og breytt útlit fyrir ca 2 árum síðan og ég var í vandræðum með að sjá í hverju munurinn lá.
Nema að stundum koma rauðar fyrirsagnir á baksíðunni eins og skrattinn úr sauðalæknum!!

En með nýju fólki í brúnni geri ég mér vonir um að Morgunblaðið komi tvíeflt aftur til nútímans!

Kveðja Andrea

Ritstjóraskipti á Morgunblaðinu

RÉTTDRÆPIR SVÍAR

VÁ hvað við hefðum orðið fúl!! Við hefðum sko bölvað Svíum, dómurum, tíma-markteljurum, ljóshærðum, rauðhærðum og litlum tippum til helvítis og baka aftur ef það hefði verið nappað af okkur mark- hvað þá þetta mark!
Svíar hefðu verið réttdræpir hvar sem til þeirra hefði náðst!

En mér finnst þeir tapa vel og taka vel á þessu.
Mér finnst þeir smart

Kveðja Andrea

Svíar kvarta en kæra ekki