ÁBYRGÐ TAKK!

Mér finnst þetta mál- og það er ekki eins og það sé neitt einsdæmi- sýna að þessir aðilar sem eru í barnarverndarnefnd eru gjörsamlega óhæfir til þess

Fólk virðist haldið einhverjum misskilngi um að fólk í svona nefndarstörfum séu eitthvað að fórna sér og tíma sínum öðrum til handa. En fórnfýsi þeirra er ekkert meiri en fólks sem starfar í öðrum nefndum á vegum borgarinnar. Ég hef amk aldrei heyrt neinn tala um fórnfýsi Jakobs Frímanns af því að hann sat í Menningarnefnd Reykjavíkurborgar

Starf barnarverndarnefndar er að sjá til þess eftir bestu getur að VELFERÐ og ÖRYGGI barna sé tryggð.
Þrátt fyrir ítrekaðar ábendingar fjölskyldu vesalings konunnar sem lést sýndu núverandi nefndarstarfsmenn enga burði til að fylgja málinu eftir og á að segja skilyrðislaust af sér eins og skot

Kveðja Andrea

Barnaverndarstofa rannsakar málið

ÍSLAND FYRIR ÍSLENDINGA?

Hvaðan fær fólk eiginlega þá hugmynd að Ísland væri betra ef það byggju bara "Íslendingar" hér?

Bara eitt lítið dæmi
Árið er 1938 og Hitler er byrjaður að gera líf gyðinga að einu helviti. Íslendingar, þessi kærleiksríka þjóð, var ekki ennþá búin að setja upp slagbrandinn sem fékk það hlutverk að tryggja að engir gyðingar á flótta upp á líf og dauða kæmust inn fyrir landssteinanna.

Þetta ár komst Dr. Victor Urbancic á flótta undan nasistum til Íslands. Victor sem var framúrskarandi tónlistarmaður hafði verið hljómsveitarstjóri í Þýskalandi og Austurríki hjá virtustu tónlistarhúsum þar. En þegar gyðingaofsóknirnar hófust var hann látin fjúka.

Áður en Victor Urbancic kom til Íslands var varla hægt að finna nokkurn kjaft sem kunni á hljóðfæri. Islendingar voru enn bognir í baki undir þaki torfkofanna og lítið um fína drætti svona menningarlega séð.
Það má alveg ganga svo langt að segja að Victor hafi fyrstur manna fært almenningi tækifæri til að njóta tónlistar.
Enn þann dag í dag er Victor talin einn fjölhæfasti og best menntaðasti tónlistarmaður sem Ísland hefur "átt".

Eftir hann liggur fjöldinn allur af tónverkum og hann var einn af stofnendum Sinfóníuhljómsveitarinnar, hann var hljómsveitar- og söngstjóri Þjóðleikshússins frá stofnun þess og þangað til hann lést

Það var hópur fólks sem var mjög óánægt með að gyðingnum Victor Urbancic skyldi veitt dvalarleyfi á sínum tíma.
Það sagði einmitt að Ísland væri fyrir Íslendinga

Meira um Victor og tvo aðra frábæra tónlistarmenn sem fluttu til Íslands um svipað leiti

Kveðja Andrea

SKYLDI EINHVER VAKNA VIÐ ÞESSA NÖTURLEGU STAÐREYND!

Hvað skyldi það verða sem hristir sveitafélögin nógu hressilega til þess að þau fara að taka ábyrgð á vinnunni sinni?

Velferðarsvið Reykjavíkurborgar er með urmul af "skjólstæðingum" sem þeir vita ekkert hvað þeir eiga að gera við- annað en að hafa þá sem númer í skjalastaflanum sem liggur á borðinu þeirra- ef ekki undir því!
Ég fullyrði að 99% af þessum 20 foreldrum sem hafa létust frá börnum sínum voru orðnir fíklar áður en þau náðu sjálfræðisaldri en það greip bara enginn inn í málin áður en allt fór í óefni.
Ég á sögur á færibandi af samskiptum foreldra minna við þetta "velferðar"svið vegna bróður míns sem var farin að sofa í skúmaskotum um 16 ára aldurinn. Foreldrar mínir börðust fyrir honum eins og úlfar og það reyndist þeim hræðilega erfitt- En ef þú myndir spyrja þau hvað hafi verið erfiðast myndu þau segja samskiptin við batteríið sem á að sjá um málefni sem kallast velferð en snýst meira um orðalag í skýrslum

Þetta eru skítugu börnin hennar Evu sem enginn vill vita af enda ódýrara að láta eins og þau séu ekki til þangað til að þau verða 18 ára og ekki lengur á þeirra könnu að díla við þá- og þá anda allir léttar nema foreldrar og aðstandendur þessa fólks

Svo þarf ekkert að ræða það hver á að taka við forsjá barna eftir dauða annars foreldris Að sjálfsögðu er það hitt foreldrið ef það er nokkur einasti möguleiki á því
Skiljanlega eru ammar/afar og stjúpar oft í sárum að sjá á eftir börnunum þegar þannig stendur á en það breytir því ekki að réttur barnsins er að vera hjá foreldrinu og öfugt

kveðja Andrea í kasti!

 

Um 20 fíklar látist frá börnum

ESB - KLOFIN AFSTAÐA UNDIRRITAÐAR

Yfirleitt á ég frekar auðvelt með að átta mig á því hver afstaða mín er í flestum málum. Ef ég er eitthvað í vafa og finnst ég ekki hafa staðreyndirnar á hreinu þá er oftast frekar einfalt að verða sér úti þær ef maður bara nennir að bera sig eftir þeim

Ég er svo einföld að hafa trúað að sama ætti við um kosti/galla þess að Íslendingar sæktu um aðild að ESB.
(Illgjarnar tungur gætu líka orða þetta öðruvísi; Ég er svo einföld að ég skil ekki staðreyndirnar sem ég hef borið mig eftir varðandi kosti/galla þess að Íslendingar sæki um aðild!)

Ég skipti um skoðun jafn oft og ég hlusta/les rök þeirra sem eru að prédika í báðar áttir! Og það hjálpar ekkert að spyrja/gúggla þær vangaveltur sem poppa upp í perunni á mér- niðurstöðurnar eru ýmist loðnar eða stangast á við hvor aðra.

Í dag klukkan 18 var ég alveg hörð á því að við ættum að sækja um aðild! Mjög ánægð með mig að hafa loksins liðið eins og ég væri hætt að sveiflast eftir fagurgala dagsins.
Klukkan var ekki orðin 21 þegar ég var aftur komin í vafa og nú hef ég ekki græna hugmynd um afstöðu mína

Vonandi tjáir sig einhver sætur, skemmtilegur, málefnalegur um kosti og galla á morgun- og helst eins og hann sé að tala við leiksólakrakka

kveðja Andrea pendúll

 

ÁTTI SÍST AF ÖLLU VON Á AÐ STANDA Í ÞESSUM SPORUM EINN GÓÐAN VEÐURDAG :)

Viss um að ég á eftir að fara í teygjustökk, kjósa vitlaust- úps, búin að því!

EN ég hefði ekki trúað því að ég ætti eftir að falla kylliflöt fyrir lagi í Eurovision!! Mér finnst lagið frá Bozniu Herzegoviniu svo flott og skemmtilegt að ég væri til í að hlusta á það aftur- kannski oft!

ÞÁ ER ÞAÐ BARA AÐ GANGA UM MEÐ ÞAÐ SEM AÐRAR ÞJÓÐIR KALLA BELTI EN VIÐ SULTARÓL

OG HERÐA VERULEGA AÐ!

Kannski maður hunskist loksins í átak þegar maður hefur ekki orðið efni á að kaupa matinn sem manneldisráð mælir með að maður borði. Pylsa og Coke í öll mál.
Og þá kikkar heilbrigðisþjónustan inn til að skrapa úr æðunum á fólki og dæla í það insulini.

Keðjuverkunin af því hvað hollur matur er dýr er fokdýr.
Hvaða dauðans della er þetta eiginlega? Við þegjum þunnu hljóði yfir þvi að þurfa að borga tæplega 70% meira fyrir matinn oní okkur en það verður allt vitlaust af því að það kostar svo mikið að fylla á tankinn á tröllajeppanum!!
Ekki étum við jeppana og skolum þeim niður með bensíni!

Þetta er engin hemja og hvort sem það er innganga í ESB eða eitthvað annað sem þarf að gera til að búandi sé á þessu auma skeri!

Kveðja Andrea

Verð á mat 64% hærra en í ESB

HVAÐ EF SAMKYNHNEIGÐIR "RÚLUÐU"?

 

 

vinkona mín sagði mér frá soldið skemmtilegum pælingum í vinnunni hennar í dag og ég get ekki hægt að hugsa um þær enda hægt að fíflast með þær út á hjara veraldar
 
Pælingin var sem sagt; Hvað ef samkynhneigðir stjórnuðu heiminum?
(Að sjálfsögðu varð pælingin til upp úr Eurovision umræðu, nema hvað)
*Við getum séð fyrir okkur að orðið og stofnunin sem kölluð er „Manneldisráð“ fengi alveg nýja merkingu

* Baráttumál Björns Bjarnasonar væri auðvitað að vopna lögregluna með skærum, enda væri þá helsta hlutverk þeirra að vera tískulöggur

*Lífið og tilveran væri stunduð í söngleikjaformi. Eurovision – keppnin væri Olympíugrein ásamt listdansi á skautum og fimleikum. Upptalið!

*Gay-Pride væri daglegur viðburður og allar tilraunir gagnkynhneigðra til að fá „eðlileg“ mannréttindi væru kæfð með ást, elektrónískri danstónlist og pallíettum

*Uppistaða drykkja á börum bæjarins væri Perrier af því að fólk færi út á lífið til að dansa og skemmta sér!

*Þessar fáu gagnkynhneigðu hræður væru litin hornauga fyrir svínsleg læti og leiðindi

*Það myndi sjást til fólks í hópfaðmlögum á hverju horni

Veit ekki með ykkur, en mér finnst þetta ekkert hljóma svo illa. Alveg væri ég til í að tilheyra minnihlutahópi undir þessum kringumstæðum

Kveðja Andrea bleika

 

Löngu orðið tímabært að jafna þessa umræðu!

Þessi langþreytta mýta um að það séu eingöngu konur sem verða fyrir heimilisofbeldi ætlar að verða langlíf

Þarf ekki að opna augun nema til hálfs og rífa þau frá rörinu til að átta sig á því að konur eru líka menn og alveg jafn færar um að beita ofbeldi og karlar!
Held að það sem vantar upp á umræðuna er að karlar komi upp úr grasrótinni og komi umræðunni í gang.
Svona eins og konur gerðu á sínum tíma og varð til þess að heimilisofbeldi hætti að verða það ægilega mikla tabú í umræðunni sem það var!

kveðja Andrea

Karlar fórnarlömb heimilisofbeldis

Úps! Gleymdist að klára dæmið!

Það er nú gott og blessað að samningar náðust við blessaðar flugfreyjurnar.

Hef samt smá áhyggjur af greyið flugþjónunum! Á ekkert að semja við þá?
Alltaf sama sagan- aumingja strákarnir alltaf á eftir okkur stelpunum þegar laun eru annars vegar!

Eða var það öfug?

Kveðja Andrea

Samið við flugfreyjur

ÍSLENSKIR "AMBULANCE CHASERS?

Það er bara einn galli við mótorhjól og hann er sá að þeir sem eru í umferðinni lokaðir inn í blikkdollum sem kallast bifreiðar rekast utan í þau- eða öfugt eins og í þessu tilfelli

Motorhjólamenning á Íslandi er frekar mikið til fyrirmyndar svona yfirleitt. Miklu betri en önnur umferðarmenning.

En ég veit ekki alveg hvað mér á að finnast um auglýsingarnar frá Tort
Erum við komin með þann vafasama heiður að eiga okkar eigin Ambulance Chasers? Eða á það fullkomlega rétt á sér að markaðssetja sig út á þetta?

kveðja Andrea "Bike-Chick

Slys á Njarðvíkurbraut