DAUÐI OG DJÖFULL

Ég þarf að hætta að fylgjast með fréttum!

Það eru bara tvær tegundir af fréttum þessa dagana. Kreppu- stríðsfréttir og gúrkufréttir! Sem sagt dauði og djöfull

Veit ekki alveg hvort fer meira í mig að sjá, fréttir af kreppu og stríðsrekstri eða fréttir af milljónerum sem skreppa í sjoppu eftir pylsu í þyrlu.
Eða gömlum poppurum sem gleyma gítörum..
Eða kannski verkföllum í heilbrigðisgeiranum...

Er heimsmyndin að breytast eða er það fréttaflutningurinn sem er að breytast?
Bæði?

Ég veit bara að það er frábært sumar.
Ég sé það út um gluggann á skrifstofunni minni

kv.Andrea 

Íranar skjóta fleiri flaugum

Athugasemdir

[Nanna Katrín Kristjánsdóttir, 10.7.2008 kl. 11:17]

Ég vildi að einu fréttirnar sem fengust væru gurkufréttir, engar fréttir eru góðar fréttir.  Man þegar helstu fréttir voru sauðburður og biluð hurð í kringlunni.  Var tíminn betri þá eða fengum við bara ekki að vita sannleikan?

[Helga Magnúsdóttir, 10.7.2008 kl. 12:34]

Ég er sammála Nönnu. Er samt á því að við höfum minna fengið að vita hér áður fyrr fyrir tíma netsins og allra beinu útsendinganna frá stríðum og annars konar hörmungum.

[Nanna Katrín Kristjánsdóttir, 10.7.2008 kl. 12:54]

Já auðvita Helga, t.d. mátti ekki ræða um heimilisofbeldi hér áður fyrr í fjölmiðlum, það þótti óþarfa afskiptasemi að einkamálum heimila.

[Tiger, 10.7.2008 kl. 16:07]

 Það leynast nú oft á tíðum alveg stórkostlegar fréttir innan um allan ósómann - en það er bara svo mikið af ósómanum að við sjáum það bara stundum ekki.

Sannarlega væri ég til í að sjá minna af stríðs- og kreppufréttum og meira af ljúfum fréttum af ljúfum atburðum sem enga stuða.

Takk fyrir innlit og gott innlegg hjá mér!

[Ómar Ingi, 10.7.2008 kl. 16:49]