bleikust

16.6.2008 | 21:11

TOUGH DAY AT THE OFFICE

Shit! Lengsti og erfiðasti dagur ársins í vinnunni að baki. Hef aldrei vitað aðra eins vitleysu á einum degi!
Fór bókstaflega allt til andskotans og náðist að bjarga því korter í Andrea-missir-hausinn!

Þannig að þegar ég kom heim byrjaði ég á froðubaði. Besti náttsloppur í heimi og jafnframt ein dýrasta flík sem ég hef fjárfest í, vafin utan um þreyttan kroppinn. Næst var dýra fína hvítvínsflaskan opnuð, þessi sem ég fékk í afmælisgjöf og hafði verið geymd fyrir spes occation. Og reynið ekki að segja mér að kona á barmi taugaáfalls sé ekki spes occasition!
Fínu kristalsglösin sótt í skápinn. En það var akkúrat þar sem ég klikkaði ég á fínheitunum!

Ef ég væri settleg hefði ég hellt hvítvíni í 1/4 hluta glasins. En af því að ég var alveg að snappa í allan dag- og af því að ég er svo þreytt- og síðast en ekki síst af því að ég er svo þyrst, fyllti ég fína helvítis kristalsglasið af fína helvítis víninu og ætla að klára það á mettíma!

Svo er bara að sjá hvort maður skrifi næturblogg eins og ónefndir fínir bloggarar

Kveðja Andrea

Flokkur: Bloggar | Facebook

Athugasemdir

Það er þá allavega heitt vatn hjá þér, var tekið af hjá mér 7 í morgun vegna framkvæmda í götunni og nú er ég u.þ.b. að fara að hringja í forstjóra orkuveitunnar með miður fallegan munnsöfnuð!

Fínheit smínheit, maður verður náttlega bara að bjarga sér mín kæra!

Hlakka til að lesa næturbloggið eftir að þú hefur klárað helv. hvítvínið úr kristalsglasinu á mettíma :)

Ofurskutlukveðja

Guðbjörg Erlingsdóttir (IP-tala skráð) 16.6.2008 kl. 21:32

Forstjóra Orkuveitunnar???? Er nokkuð til sem heitir forstjóri OR? Held ekki. Hann var rekinn manstu

En já, nóg af heitu vatni hérna. Annars væri ég bara skítug og úttauguð að drekka hvítvín :)