FRÉTTIN SEM MBL.IS GLEYMDI AÐ SKRIFA

Fréttastofa mbl.is hefur fengið margar upphringingar í dag frá reiðum foreldrum sem mættu eins og krumpudýr í vinnuna í dag eftir andvökunótt.

Foreldrarnir sem ákváðu að leyfa ungum börnum sínum að horfa á undankeppni Eurovision í gærkvöldi töldu sig ekki vera að stofna börnum sínum í voða, enda var tilgangurinn að næra þjóðarrembing þeirra frá unga aldri. En í staðinn plöntuðu þau öri á litlar barnssálir sem ekki verða afmáð nema með mörgum tímum hjá sértilgerðum barnafræðingum.

Þegar sænska konan birtist á sviðinu ráku börn um allt land upp skelfingaróp. Þarna var skrýmslið sem búið hafði undir rúminu þeirra ljóslifandi komið í kassann í stofunni. Og feður landsins, sem að öllu jöfnu hafa rokið upp til handa og fóta til að reka hryllingin undan rúminu og koma börnum sínum þannig til bjargar, sátu sem fastast og góndu.
Í öllu stressinu fyrir kvöldið hafði konan gleymt að fara í pilsið/buxurnar og stóð á sviðinu í bol einum fata.
Þannig tókst henni að beina sjónum almennings frá uppvakningsandlitsdráttunum og að fögrum leggjunum
En blessuð saklaus börnin sem ekki hafa þroska til að meta fagra leggi eiga um sárt að binda

Kveðja Andrea fréttaritari

 

Athugasemdir

[Nanna Katrín Kristjánsdóttir, 23.5.2008 kl. 10:42]

hmmm... sá ekki keppnina.  Hvað gerðist eiginlega?

[Andrea, 23.5.2008 kl. 10:46]

svo sem ekkert- bara sænska óverdósaði á bótoxi :)

[Þórhildur Daðadóttir, 23.5.2008 kl. 11:24]

Ég er alveg samála þér, konugreyið var alveg hræðileg í framan og er svíagrílan sko alveg réttnefni að þessu sinni.  Atriðið var heldur ekkért til að hrópa húrra fyrir. 

[Gísli Hjálmar , 23.5.2008 kl. 11:37]

... var þetta í alvöru manneskja?

[Helga Magnúsdóttir, 23.5.2008 kl. 15:14]

Sá þessa sænsku, fékk létt áfall og fór að sofa. Hvernig fór þetta svo?

[Þorsteinn Valur Baldvinsson, 23.5.2008 kl. 15:39]

kvitt

[Brjánn Guðjónsson, 23.5.2008 kl. 16:34]

Nú, var þetta kona? var ekki einhver kalkúnn í keppninni? hélt þetta væri hann.