AND THEN HE KISSED ME

Og áhuginn og spennan sem tók fullt af plássi dagana á undan sprakk eins og blaðra!

Þessi undur fagri maður sem ég hafði séð nokkrum sinnum í bakaríinu mínu snéri sér skyndilega að mér og spurði hvort hann mætti bjóða mér upp á kaffi.
Þurfti ekkert að velta því fyrir mér og held að ég hafi verið búin að segja já takk áður en hann kláraði setninguna.
Yfir kaffibollanum bauð hann mér í mat um kvöldið sem ég þáði líka. Næstu daga fórum við í bíltúr, bíó og meira kaffi.

Var ég búin að segja að hann væri fagur? Ekki nóg með það, maðurinn er klár, skemmtilegur og sérlega fínn félagsskapur. Og af því að fyrsti kossinn í nýju og spennandi sambandi getur verið svo fáránlega yndislega skemmtileg upplifun hlakkaði ég ferlega til að smakka á kossi frá þessum manni.

Ég hef sent fingurkossa sem voru meira spennandi en þessi koss! Kossaómyndin átti sér stað í hádeginu og núna man ég varla hvernig hann lítur út!

Hingað til hefur þumalputtareglan verið að ef sætu mennirnir eru skemmtilegir og spennó hefur kossinn komið í kjölfarið.
Forgangsröðuninni hefur verið breytt frá og með deginum í dag.
Ætla að snúa ferlinu við og framvegis ætla ég að kyssa alla sæta menn sem verða á vegi mínum til að kanna hvort mig langi til að tala við þá!

Kveðja Andrea spælda

Athugasemdir

[Ómar Ingi, 22.5.2008 kl. 01:28]

Mig hlakkar til

[Jenný Anna Baldursdóttir, 22.5.2008 kl. 02:16]

Djö... bömmer.  Einu sinni var ég á fleiri mánaða daðri við fagran mann, sjarmerandi og skemmtilegan og svo...

ekki prenthæft, segi þér það seinna.

Góða nótt

[Andrea, 22.5.2008 kl. 10:50]

got the picture :)

[Brjánn Guðjónsson, 22.5.2008 kl. 11:22]

æjæ, total spæl

en líst vel á nýju forgangsröðunina  málið leyst

[Guðbjörg Erlingsdóttir (IP-tala skráð) 22.5.2008 kl. 18:03]

Þetta er alltaf spurning um að forgangsraða rétt

ofurskutlukveðja

[Heiða Þórðar, 22.5.2008 kl. 23:19]

hehe -hef lent í svona atriði einu sinni eða oftar.

Total spælingur út í eitt! 

Skitinn kossgarmur eyðir öllu út á örstundu!  

[Guðmundur G. Hreiðarsson (IP-tala skráð) 23.5.2008 kl. 12:56]

Skv. áreiðanlegum upplýsingum frá frk. Guðríði Haraldsdóttir, er uppi á Skaga einhver "sætukallastoppistöð". Ég mæli með að þú tékkir á henni áður en það verður um seinan. Það er nefnilega allt að fara að fyllast af Palestínskum dömum, þarna upp frá, innan skamms! 

[Andrea, 23.5.2008 kl. 19:39]

Já, forgangsröðunin var greinilega í tómu klúðri. En henni hefur verið breytt og þetta stefnir í að verða hið besta mál- amk nóg af sætum mönnum til að prufukyssa :)
Guðrún, það er með þetta eins og svo margt annað- það er annað hvort í ökkla eða eyra. Annað hvort dettur maður ekki um einn einasta mann sem er deit-hæfur vikum saman eða þeir flykkjast allir í einu í lífið manns! Algjör bömmer! Eða kannski ekki svo mikill bömmer:)
Guðmundur,Enginn skortur á sætuköllum- þeir kyssa bara ekki nógu vel :)

[Brjánn Guðjónsson, 23.5.2008 kl. 21:33]

maður hebbði nú haldið að smjörbútar og sykurpúðar hefðu máske fengið nokkrar kossaæfingar um dagana. eru þessir menn ekki að læra af reynslunni?