bleikust

21.5.2008 | 22:29

FÆ NETT TAUGAÁFALL ÞEGAR ÉG SÉ MIG Í SPEGLI

Eða ekkert svo nett! Næ að kæfa niður skelfingaröskrið en hrekk í kút og þekki varla manneskjuna sem starir á mig úr speglinum

Ég vaknaði í morgun, eins og alla morgna síðustu áratugina, með ljóst hár niður á mitt bak en kom heim seinni partinn með dökkbrúnan drengjakoll.
Smá ýkt kannski, en hárið nær niður á banakringlu- eða heitir ekki kúlubeinið örugglega banakringla?

Ég hef tekið nokkrar ákvarðanir í lífinu sem snúast um gagngera breytingu á einhverju í lífi mínu. Bara svona til að hrista aðeins upp í mér til að staðna ekki
Flestar hafa snúist um umhverfið mitt, flutninga eða eitthvað þess háttar. Fengið fiðring í magann af því að við verðum flest smeyk á einhverjum tímapunkti við breytingar

Þessi U-beygja á eftir að halda mér í keng í langan tíma. Ég veit ekkert hvaða kona þetta er sem eltir mig á röndum og hleypur inn í alla spegla sem ég geng framhjá!
Ekki laust við að mér líði eins og ég þurfi að skipta um nafn og kennitölu líka

Kveðja Andrea á leið í vitnavernd

Flokkur: Bloggar | Facebook

Athugasemdir

Ég veit ekki hvað það er ...en eitthvað segir mér að þú sért karlmaður.

Flottur pistill einsog þeir fyrri.

Heiða Þórðar, 21.5.2008 kl. 23:35

Karlmaður! Ég sem er hörð á því að ég sé skvísa þegar ég vakna og enn meiri skvísa þegar ég sofna!

Andrea, 21.5.2008 kl. 23:42

Allavega hvort sem þú ert; þá ertu algjör töffari!

Snilldarpenni...og eitthvað svo yndislega laus við kvenlega xxxxx...og xxxxxxx - fyrirgefi mér nú allir feministar þessa lands

Heiða Þórðar, 21.5.2008 kl. 23:47

Ég sæki kvenlegur hliðarnar mínar við önnur tilefni en til að rífa trant á moggablogginu
En takk fyrir hólið fröken Heiða. Pistlarnir þínir hafa skemmt mér í marga mánuði gott að geta launað þér skemmtunina lítillega