SKYLDI EINHVER VAKNA VIÐ ÞESSA NÖTURLEGU STAÐREYND!

Hvað skyldi það verða sem hristir sveitafélögin nógu hressilega til þess að þau fara að taka ábyrgð á vinnunni sinni?

Velferðarsvið Reykjavíkurborgar er með urmul af "skjólstæðingum" sem þeir vita ekkert hvað þeir eiga að gera við- annað en að hafa þá sem númer í skjalastaflanum sem liggur á borðinu þeirra- ef ekki undir því!
Ég fullyrði að 99% af þessum 20 foreldrum sem hafa létust frá börnum sínum voru orðnir fíklar áður en þau náðu sjálfræðisaldri en það greip bara enginn inn í málin áður en allt fór í óefni.
Ég á sögur á færibandi af samskiptum foreldra minna við þetta "velferðar"svið vegna bróður míns sem var farin að sofa í skúmaskotum um 16 ára aldurinn. Foreldrar mínir börðust fyrir honum eins og úlfar og það reyndist þeim hræðilega erfitt- En ef þú myndir spyrja þau hvað hafi verið erfiðast myndu þau segja samskiptin við batteríið sem á að sjá um málefni sem kallast velferð en snýst meira um orðalag í skýrslum

Þetta eru skítugu börnin hennar Evu sem enginn vill vita af enda ódýrara að láta eins og þau séu ekki til þangað til að þau verða 18 ára og ekki lengur á þeirra könnu að díla við þá- og þá anda allir léttar nema foreldrar og aðstandendur þessa fólks

Svo þarf ekkert að ræða það hver á að taka við forsjá barna eftir dauða annars foreldris Að sjálfsögðu er það hitt foreldrið ef það er nokkur einasti möguleiki á því
Skiljanlega eru ammar/afar og stjúpar oft í sárum að sjá á eftir börnunum þegar þannig stendur á en það breytir því ekki að réttur barnsins er að vera hjá foreldrinu og öfugt

kveðja Andrea í kasti!

 

Um 20 fíklar látist frá börnum

Athugasemdir

[Gísli Hjálmar , 21.5.2008 kl. 16:17]

... nú er gott að draga andann rólega inn og anda svo rólega frá sér - í nokkur skipti.

 ...

[Andrea, 21.5.2008 kl. 19:05]

Það er nú í lagi að taka smá kast yfir því að þeim sem síst skyldi virðist skítsama um fíkla og fjölskyldur þeirra

Fólk hefur nú æst sig yfir ómerkilegri hlutum

[Helga Magnúsdóttir, 21.5.2008 kl. 19:26]

Þetta er óhugnanleg staðreynd. Er sama í hvernig ástandi þessir feður eru? Því sækjast sér um líkir og hætta á að þeir séu fíklar líka.

[Andrea, 21.5.2008 kl. 19:32]

Ef barnarverndarnefnd er að vinna vinnuna sína þá er feðrum sem eru í bullandi neyslu að sjálfsögðu ekki veitt forsjá barna

En stjúpar og ömmur og afar eiga ALDREI að fá forræði yfir börnum ef annað foreldrið er hæft til að hugsa um þau

[Anna Guðný , 21.5.2008 kl. 19:49]

Og hvað ef börnin eru fleiri en eitt og eiga sinn hvorn pabbann, er það sjálfsagt að skilja börnin að?

[Andrea, 21.5.2008 kl. 19:55]

Af tvennu illu gerir það minna til að skilja börnin að heldur en að svipta þau réttinum til að alast upp hjá foreldri. Góðir foreldrar sjá til þess að systkinatengslin haldist

[Helgi Hrafn Gunnarsson (IP-tala skráð) 22.5.2008 kl. 01:05]

Það verður ekkert hægt að gera í þessu fyrr en fíklar eru hættir að heita glæpamenn. Ímyndið ykkur foreldri sem reglulega stærir sig af því að refsa börnunum sínum þegar þeim mistekst... hvernig bregðast börnin við?

Hvernig bregðast fíklarnir við, hvort sem þeir eru mæður eða feður eða börn, þegar yfirvöld ítreka, undirstrika og feitletra, að þau skuli hundelt hvert sem þau fari?

Hvorki fræðsla né forvarnarstarf mun virka þar til fíklar eru hættir að vera glæpamenn fyrir það eitt að vera fíklar; og í dag eru þeir glæpamenn fyrir það eitt.